Dehqan Times

ذرائع ابلاغ کے مطابق امریکی خلائی ایجنسی ناسا نے کہا ہے کہ کیوروسٹی کوعارضی طورپرسیف موڈ میں رکھا گیا ہے اور زمین سے اس کے کمپیوٹرکے نقص کو دور کرنے کی کوشش کی جارہی ہے۔

کیوروسٹی کے کمپیوٹرمیں بجلی کے نظام میں گڑبڑ ہوئی ہے۔

سائنسدان بیک اپ کمپیوٹرکے ذریعے مسئلے کوحل کرنے میں مصروف ہیں۔

انہوں نے توقع ظاہرکی ہے کہ جلد ہی کیوروسٹی کے معمول کے آپریشن کوبحال کردیا جائے گا۔

لندن کے ایک تحقیقاتی ادارے کے ماہرین کی حال ہی میں جاری ہونے والی ایک رپورٹ کے مطابق زیادہ وقت ایئرکنڈیشنڈ کی ٹھنڈک میں گزارنے سے جلدی امراض کا خطرہ بڑھ جاتا ہے جبکہ اس سے توانائی بھی ضائع ہوتی ہے۔

طبی ماہرین کا کہنا ہے کہ اے سی کی ٹھنڈک جلد کی قدرتی نمی کو ختم کر کے اسے خشک کر دیتی ہے جو آہستہ آہستہ جلد کی اندرونی تہوں تک پہنچ کر مختلف جلدی امراض کا باعث بھی بنتی ہے۔

ماہرین کے مطابق پانی کی کمی کے باعث جلد پر جھریاں پڑ جاتی ہیں جبکہ ایئر کنڈیشنڈ رومز سے باہر گرم ماحول میں آنے سے بھی جلد پر منفی اثرات مرتب ہوتے ہیں۔

ماہرین کا کہنا ہے کہ جلدی امراض سے بچنے کیلئے اے سی کا کم سے کم استعمال کیا جائے جو کہ توانائی کے ضیاع کو بھی روکنے میں معاون ثابت ہو گا۔

اگر ان حالات میں جلد خشک ہو جائے تو موسچرائزنگ کریموں کا استعمال کرنا چاہئے یا معالج سے فوری رابطہ کرنا چاہئے تا کہ ان مرض کو جلد کی تہوں تک جانے سے روکا جا سکے۔