نئی حلقہ بندیوں کے خلاف ایم کیو ایم کی درخواست منظور

اسلام آباد: سپریم کورٹ نے کراچی میں نئی حلقہ بندیوں کے حکم کے خلاف متحدہ قومی موومنٹ کی نظرثانی کی درخواست سماعت کے لیے منظور کرلی ہے۔

ڈان نیوز کے مطا بق، بدھ کو درخواست پر رجسٹرار آفس کے اعتراضات دور کیے جانے کے بعد عدالت نے اسے سماعت کے لیے منظور کرلیا۔

سپریم کورٹ کے باہر میڈیا سے گفتگو میں سینیٹر نسیم نے بتایا کہ انہیں عدالت کے مرکزی فیصلے پر اعتراض نہیں تاہم بعد میں عملدرآمد بینچ کے فیصلے پر وہ معترض ہیں۔

سینیٹر کا مزید کہنا تھا کہ نئی حلقہ بندیاں مردم شماری کےبعد ہی ہوسکتی ہیں۔

انہوں نے کہا کہ چیف الیکشن کمشنر فخرالدین جی ابراہیم نے بھی مردم شماری کے بعد حلقہ بندیوں کی بات کی ہے۔