باراک اوبامہ کی اہلیہ مشعل اوبامہ اور ان کے بچے بھی تقریب میں صدر کے ساتھ تھے۔

باراک اوبامہ نے گزشتہ سال نومبر میں ری پبلکن پارٹی کے امیدوار مٹ رومنی کو صدارتی انتخابات میں شکست دی تھی۔ صدر اوبامہ نہ 2009ء میں پہلے سیاہ فارم امریکی صدر کی حیثیت سے عہدہ سنبھالا تھا۔ وائٹ ہاؤس کے سامنے 9 لاکھ سے زائد افراد تقری کے موقع پر موجود تھے۔

حلف برداری کے بعد عوام سے خطاب کرتے ہوئے صدر اوبامہ نے کہا کہ امریکیوں کو سخت چیلنجز کا سامنا رہا ہے جن سے عوامی اتحاد کے ذریعے ہی بہتر انداز میں نمٹا جاسکتا ہے۔

انہوں نے کہا امریکی عوام کو پہلے سے زیادہ محنت کرنے کی ضرورت  ہے۔

صدر اوبامہ نے کہا کہ وہ افریقا، ایشیا اور مشرق وسطٰی میں بھی جمہوریت کو پھلتا پھولتا دیکھنا چاہتے ہیں۔

انہوں نے عوام کو آگاہ کیا کہ اب جنگوں کا زمانہ بیت گیا ہے اور ہمیں بدلتے وقت کے ساتھ تبدیل ہونا ہوگا۔