اوپن کرنسی مارکیٹ میں گذشتہ کاروباری روز ہفتہ کے مقابلے میں منگل کو امریکی ڈالر اور یورو کی قدروں میں بالترتیب 20 پیسے اور 40 پیسے کا اضافہ ہوگیا تاہم برطانوی پاؤنڈ کی قدر مستحکم رہی۔ فاریکس ایسوسی ایشن آف پاکستان سے جاری کردہ اعداد و شمار کے مطابق امریکی ڈالر گذشتہ کاروباری روز ہفتہ کی قیمت خرید 98.80 روپے سے بڑھ کر 99 روپے اور قیمت فروخت 99 روپے سے بڑھ کر 99.20 روپے ہوگئی۔

اسکے علاوہ یورو کی قیمت خرید بھی 131.10 روپے سے بڑھ کر 131.50 روپے اور قیمت فروخت 132.10 روپے سے بڑھ کر 132.50 روپے پر بند ہوئی۔ اعداد و شمار کے مطابق برطانوی پاؤنڈ گذشتہ کاروباری روز ہفتہ کی قیمت خرید 158.50 روپے اور قیمت فروخت 159.50 روپے پر برقرار رہی۔