اوگرا سی این جی رولز سات کے مطابق پندرہ سال پورے کرنے پر سی این جی سٹیشنز کے لائسنس میں پانچ سال کی مزید توسیع ہوتی ہے۔

وزارت پٹرولیم نے سمری میں موقف اختیار ہے کہ گیس انتہائی قیمتی ہے لہذا پندرہ سال پورے کرنے والے  سی این جی سٹیشیزکو مزید گیس فراہم نہیں ہونی چاہئے۔ سی این جی سٹیشنز کو ایل پی جی فروخت کرنے کی اجازت دی جائے۔

اس سمری کی روشنی میں سات مارچ کو اقتصادی رابطہ کونسل کے اجلاس میں اہم فیصلے کئے جائیں گے۔

دوسری جانب وزارتِ پیٹرولیم نے ہائی سپیڈ ڈیزل پر ڈیمڈ ڈیوٹی سات فیصد سے بڑھا کر نو فیصد کرنے کا فیصلہ کیا ہے۔ اس طرح صارفین پر مجموعی طور پر سات ارب روپے ماہانہ کا اضافی بوجھ ہوگا۔

ڈان نیوز کو موصول سمری کے مطابق ڈیمڈ ڈیوٹی میں اضافے سے ریفائنریاں جدید پلانٹ لگا کر عالمی معیار کے مطابق یوروٹو گریڈ ہائی سپیڈ ڈیزل تیار کریں گی جس میں سلفر کی مقداراعشاریہ صفر پانچ فیصد ہوجائے گی۔ اس  مقدار کو ایک فیصد سے کم کر کے اعشاریہ صفر پانچ پر لانے سے ماحول دوست ڈیزل تیار ہوگا۔

موجود قیمت کے مطابق ہائی سپیڈ ڈیزل ایک روپے بارہ پیسے فی لیٹر مہنگا ہوجائے گا۔ ذرائع کے مطابق ہائی سپیڈ ڈیزل کی ماہانہ کھپت ساڑھے چھ ارب لیٹرہے۔ وزارت نے اس کی سمری اقتصادی رابطہ کونسل کو ارسال کردی ہے۔